Meðal efnis - Dauðans alvara!

"...Til að kóróna allt saman ákvað flugfreyjan að kíkja fram í í klifrinu þar sem hún vissi af ástandi áhafna í þessum flugum og hafði þessi tiltekni flugstjóri beðið hana að koma framí öðru hverju til að athuga með flugmennina. Þegar hún kemur fram í bregður henni heldur en ekki í brún þegar hún sér að báðir eru í fastasvefni og vélin ennþá í klifri. Hún hristir flugstjórann og spyr hann hvort það væri í lagi að báðir flugmennirnir væru sofandi í klifrinu! ..."

Meðal efnis - Ottó Tynes

"Einn vetrardag árið 1969 var líklegast ekki skyrtuveður, en kalt reyndist vatnið renna milli skinns og hörunds hjá áhöfninni þann daginn. „Eins og Færeyjar eru nú fallegar og gaman að koma þangað þá var það þessi eina ferð þangað sem ég hefði frekar viljað sleppa. Flugtakið var til vesturs og rétt eftir að hjólin voru komin upp var eins og við hefðum verið svipt sjóninni og vélin byrjaði að hristast. Nú kallaði maður svo sem ekki allt ömmu sína í innanlandsflug- inu, en þarna var eins og vélin hefði verið tekin og hrist af einhverjum yfirnáttúrulegum kröftum, slíkur var djöfulgangurinn. Við sáum ekki á mælaborðið fyrir hristingi og ekki bætti það úr skák að vita af Bryndísi minni þarna aftur í. Með fjöllin umlykjandi, í engu skyggni og allt á reiðiskjálfi er fátt annað í stöðunni en að reyna að stýra frá klettunum og vona það besta. Ætli þetta hafi ekki verið yfirstaðið eftir rúma mínútu, en líklegast var þetta lengsta mínútan á minni ævi.“ 

Flugið nr.9 komið út!

Blað númer níu er komið út. Ekkert slegið af í gæðum og stærð blaðsins og af nógu að taka. Skemmtileg viðtöl og reynslusögur flugása fá hárin til að rísa. fræðist um flugklúbbamenningu landsins hjá þeim stærstu og rifjið upp tæknina við hliðarvindslendingar. Fréttir og fróðleikur og allt þar á milli.

Næsta blað væntanlegt!

Gjafaáskrift fyrir flugdellufólk. 3.000 kall fyrir 3 ár!

Í fyrsta sinn býður tímaritið Flugið upp á gjafaáskrift. Tilvalin jólagjöf fyrir flugáhugasama eða sem aukaglaðningur yfir hátíðarnar. Þú borgar 3000,-kr og viðkomandi fær send blöð heim að dyrum næstu 3 árin. Þetta tilboð gildir aðeins fram að áramótum.

Logten Pro 6.0 - Endurbætur á góðu "appi"

Ný útgáfa af Logten er komin út. Meðal þess sem nýtt er í þessari útgáfu er "visual duty limits" þar sem hægt er að setja mörk reglugerðar og önnur mörk og vakta þau ekki bara í rauntíma heldur fram í tíma því hægt er að flytja inn vinnuskrár fram í tímann og sjá því mögulega árekstra. Fjöldi annara nýjunga er að finna en þær má lesa um á Coradine.com

Ráðstefna um stöðluð vinnubrögð að vetri í flugrekstri

Keilir mun halda ráðstefnu þann 10.okt n.k. sem ber yfirskriftina "The first Winter Operation Forum".  Samstarfsaðilar eru Air Transport news, ACI, AEA, SITA, Icelandair og Samgönguráðuneytið.